Netkallem w nҟamem tunsi… Nħebb nekteb bel-tunsi, El-luġa mtèɛi w mtaɛ ajdèdi… El-dèrja hiyya luġetna el-tunsiyya, elli taħki waħadha ɛla et-tèriҟ mtèɛna. Mel amaziġ w kartàj netɛaddèou ɛar-rumèn, w el-wendàl, lel-bizantiyyin w el-ɛrab, luġetna hiyya tċakċika ħlowwa fiha kelmèt w qwè3ed aṣlha amaziġi, buniqi, làtini, talyèni, frànsàwi w ɛarbi… ҟalta tunsiyya mizyèna barċa tfasser tafattoħ el-ħađ̣àra mtèɛna el-hèyla.

El-luġa hiyya elli tejmaɛ sokkèn el-blèd, hiyya elli taħki ɛla tèriҟou, biha hiyya twaṣṣel qimat ŧaqàfat el-blèd. Fi Tunes, luġetna naħkiu biha aŧnàċ malyun tunsi, ama ħatta lel yum mèzèlet teteħseb lahja, muċ moɛtraf biha luġa. Hèđèka ɛlèċ tkawnet jamɛiyyet Derja ɛàm 2016 bèċ nwarriu qimet luġetna w nrajjɛulha blàṣeŧha elli testħaqqha. Bèċ neҟdmu ɛat-tunsi w nċajjɛu elli ҟedmu w elli qàɛdin yeҟdmu fel-luġa el-tunsiyya, bèċ nuṣlu lel-buntou mtèɛna lin twalli maktuba w luġa moɛtaraf biha, bel-qwèɛed w bel-qàmus mtèɛha. Kima yqulu yedd waħda ma tṣaffaqċ, Hèđèka ɛlèċ nħebbu nlemmu koll elli yeҟdmu welli yħebbu yeҟdmu ɛat-tunsi, w ynriglu el-prosèsus elli yɛaddih men lahja l’luġa yeɛtarfu biha fel-ɛàlem el-koll, luġa tunsiyya let-twènsa l-koll.